काेहलपुर, भदौ १६ – काेहलपुरस्थित ज्ञान ज्योति माध्यमिक विद्यालय बगियाका विद्यार्थीलाई विपत व्यवस्थापनसम्बन्धी प्रशिक्षण दिइएको छ।
कार्यक्रममा काेहलपुर नगर प्रहरी प्रमुख वीरबहादुर थापाले जाेखिम र विपतकाे वारेमा प्रशिक्षण दिनुभएको थियाे। नगर प्रहरी प्रमुख थापाले नगर स्तरीय र वडा स्तरीय विपत व्यवस्थापन समिति र यसले गर्ने कामकाे विषयमा जानकारी दिनुभयो । थापाले विपत भन्दा अगाडि अपनाउनु पर्ने पुर्व तयारी र विपतकाे समयमा गर्नुपर्ने कामकाे विषयमा प्राेजेक्टर मार्फत प्रशिक्षण दिनुभयकाे थियाे। उहाँले विपतका बेला पूर्वतयारी र सजगता अपरिहार्य रहेकोमा जोड दिनुभयो।नगर प्रहरी दुर्गा थापा र सम्झना आलेमगरको समेत उपस्थितिमा भएको तालिममार्फत विद्यार्थीलाई विपतका बेला नगर प्रहरीले गर्ने कार्य, स्थानीय विपत व्यवस्थापन समितिको संरचना र जिम्मेवारीबारे जानकारी दिइएको थियो।विद्यालयका प्रधानाध्यापक गोविन्द प्रसाद ढकालले विपत व्यवस्थापन केवल सरकारी निकाय वा सुरक्षाकर्मीको मात्र नभई प्रत्येक नागरिकको पनि समान कर्तव्य रहेको बताउनुभयो। त्यस्तै, विद्यालयका शिक्षक विनोद भट्टराईले कक्षा ८ को स्थानीय विषयमा विपत व्यवस्थापन समावेश भएकाले आयोजना गरिएको तालिमले विद्यार्थीमा व्यवहारिक ज्ञान थपिने र समुदायमै सचेतना फैलाउन सहयोग पुग्ने विश्वास व्यक्त गर्नुभयो।
